WATERPOLO

untitled-96

Geskiedenis
Die Afrikaanse Hoër Seunskool bied sedert 1954 waterpolo as sportsoort aan. Die eerste wedstryd is teen Pretoria Boys High gespeel.

Geleentheid tot deelname en ontwikkeling
Waterpolo word in die eerste en die vierde kwartaal gespeel. Die skool het tans twaal spanne: 0/14A, B,Cen D,  0/15A , B, en C 0/16A, vierde,  derde, tweede en eerstespan. Met 13 spelers per span gee dit 156 seuns geleentheid om deel te neem. Voornemende Affies is welkom om reeds aan die einde van hul graad 7-jaar in November by oefeninge in te skakel.

Fasiliteite
Danksy die verhittingstelsel en die termiese kombers waarmee die swembad gedurende die winter bedek word, kan oefeninge ook in die wintermaande plaasvind. In 2014 is die paviljoene rondom die swembad opgradeer om meer toeskouers te akkommodeer.

Opponente
Jeppe, Pretoria Boys High, St Stithians, KES, Parktown, St Albans, Crawford College, St. John`s, Clifton, Wynberg en Grey Kollege, sowel as talle ander.  Affie-waterpolo skakel ook by die Woensdagaandliga vir senior klubs soos Tuks, Pretoria Old Boys, Coelacanths en Northern Crocs in.

untitled-186

Toernooie en toere
Die eerste span speel jaarliks in die Grey Kollege-toernooi in Bloemfontein, die PBHS Festival, en die Clifton-toernooi. Die o/16`s neem jaarliks aan die DHS-toernooi in Durban deel. Die o/15’s neem aan die Indigo-toernooi by Parktown Boys High en die Ian Melliar Cup by Wynberg Boys High in Kaapstad deel. Die o/14’s speel in die Ken Short Shield te Jeppe Boys High, en die Grey Kollege- toernooi in Bloemfontein. In 2013 het die senior spelers ‘n baie suksesvolle toer na Hongarye, Oostenryk en Slovakië onderneem.

Affies lewer top waterpolospelers op
Die skool het reeds sewe senior spelers opgelewer wat Springbokkleure verwerf het.
In 2012 word Albert Pretorius in die oefengroep opgeneem waaruit Suid-Afrika se span vir die Fina Wêreld Jeug Junior Manskampioenskap in Australië gekies word. In 2013 verteenwoordig hy die NTS senior span by die SA Kampioenskap in P.E.
In 2013 word Nardus Badenhorst gekies om die SA seniorspan te verteenwoordig by die Wêreld Kampioenskap in Barcelona, Spanje. In 2014 verteenwoordig hy Suid-Afrika by die Statebondspele in Skotland.

In 2018 word Janco Rademeyer gekies tot die SA Skole span wat te Hongarye aan die Jnr Wêreld beker kampioenskappe deelgeneem het.

Janco word ook as die “MVP” aangekondig by die SA Skole Toernooi wat gedurende Desember maand plaasgevind het.

Prestasierekord
2012 Elf Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

2013 Veertien Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

2014 Vier seuns neem deel aan die SA Senior Kampioenskap te Durban

2015 Sestien Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

2016: Ses Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

 2017: Sestien Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

 2018: Vyftien Affie-spelers van verskeie ouderdomsgroepe word in die NTS-span opgeneem wat die provinsie by die SA Skoletoernooi verteenwoordig.

 

 

Navrae
Ferdinand Postma: ferdinand.postma@affies.co.za of 012 344 3805 (skoolure)

untitled-172

PERSONEEL

Mnr C.C. Fouché

Onderwyser
Vakke: Lewensoriëntering & Geskiedenis
Sport: Waterpolo, Rugby & Jukskei

Mnr F. Postma

Onderwyser
Vakke: Lewensoriëntering & Engels
Sport: Waterpolo, Swem & Rugby

Mnr P. van Emmenis

Onderwyser
Vakke: Visuele kunste
Sport: Waterpolo & Rugby
TERUG NA BO