Geskiedenis

Krieket is vir die eerste keer op ’n georganiseerde basis in 1952 by die Afrikaanse Hoër Seunskool gespeel. In 1953 lewer Affies die eerste Afrikaanssprekende krieketspeler vir die Noord-Oos Transvaalse Nuffieldspan op.

Geleentheid tot deelname en ontwikkeling

Meer as 230 seuns word jaarliks in Affies se 21 krieketspanne opgeneem – o/14A-G, o/15A-E en 1 tot 7. Krieket word in die eerste, die derde en die vierde kwartaal aangebied en ongeveer 350 wedstryde word gespeel. Daar word hoofsaaklik in die Pretoria- en Johannesburg-liga meegeding, maar talle wedstryde word ook elders in die land gespeel. Winterprogramme word gedurende die afseisoen aangebied.

Afrigters

Daar is tans vier vlak 3-afrigters aan die skool verbonde: Deon Botes (SA-Skole en SA o/19-keurder en Northerns o/17 en o/18-sameroeper), Pieter Cronjé (Northerns o/19afrigter en keurder) en Leon Jonker (Northerns o/15-sameroeper). Evert Laubscher (biokinetikus en vlak 3-afrigter) word in 2015 aangestel om alle privaat afrigting vir B-spanne en laer te hanteer.

Fasiliteite

Affies se 15 oefennette is in 2014 opgradeer, waarvan 6 met spreiligte toegerus is. Daar is twee krieketvelde op die skoolterrein en twee krieketvelde by Pretoria Rugbyklub wat deur die skool gebruik en onderhou word.

Opponente

Buite Pretoria speel Affi es jaarliks teen Grey High School (PE), SACS, Rondebosch, Durban High School, St John’s, King Edward VII School, St. Stithians, Parktown Boys’ High, St Benedict’s, Paul Roos, Wynberg, Paarl Boys High, Maritzburg College, Hilton, Westville, Glenwood, Grey Kollege, Kearsney College, St Charles, Bishops en die Alberton-skole.

Toernooie en toere

Die eerste span speel in Januarie, voor die skole heropen, om die beurt in die Grey High-fees in Port Elizabeth en die Grey Kollege Toernooi in Bloemfontein. Aan die einde van die eerste kwartaal toer die eerste, tweede, o/14A- en o/15A-spanne na Kaapstad om met Paul Roos Gimnasium, Wynberg Boys’ en Rondebosch Boys’ kragte te meet. In September speel die eerste span in die Michaelmas Feesweek by Maritzburg College, die o/15A’s in die Grey High Feesweek en die o/14A’s in die Charl van Rooyen Feesweek wat elke jaar deur een van die deelnemende skole aangebied word.

Affies lewer top krieketspelers op

Die skool het reeds die volgende internasionale krieketspelers opgelewer. Vir die Proteas: AB de Villiers (toetskaptein), Francois (Faf) du Plessis (toetskaptein en T20-kaptein), Jacques Rudolph en Heino Kuhn. Vir Nieu-Zeeland: Kruger van Wyk en Neil Wagner.

Prestasierekord

Affies is tans een van die beste Afrikaanse krieketskole in die land. In 2016 eindig die eerste span nommer een op die ranglys vir hoërskolekrieket en word twee Affie-spelers aangewys as die beste spelers tydens nasionale toernooie: Ruan de Swardt by die CSA O/18 Coke-week, en Herman Rolfes by die CSA O/17-week.

Die afgelope 15 jaar het die skool tien spelers vir die SA Skolespan en die SA o/19-span opgelewer. Talle oud-Affies speel tans vir senior provinsiale spanne.

Navrae

Deon Botes: deon.botes@affies.co.za of 012 344 3805 (skoolure)

Pieter Cronjé: pieter.cronhe@affies.co.za of 012 344 3805 (skoolure)